Oggetti mahduma minn-pazjenti jibieghu kwazi mal-ewwel siegha tal-fiera!

Diversi oggetti mahduma minn-pazjenti waqt is-sessjonijiet tal-Occupational Therapy fl-isptar Monte Karmeli inbieghu pratikament mal-ewwel siegha tal-fiera tal-Milied li qed issir fl-Isptar.

L-ewwel ma nhatfu (litteralment) kienu il-presepju mahduma b'tant reqqa.

Il-fiera tibqa ghaddeja sa ghada l-Hadd 4 ta' Dicembru 2010.

Illejla tibda l-fiera tal-Milied fl-Isptar Monte Karmeli

Illejla tinfetah ufficjalment il-fiera tal-Milied fl-isptar Monte Karmeli. Din il-fiera annwali, organizzata mill-Friends of Mt. Carmel Hospital Society flimkien mad-Dipartiment tal-Occupational Therapy tal-istess sptar, se tibqa ghaddejja sal-Hadd 5 ta' Dicembru.

Ikun hemm diversi attrazzjonijiet u attivitajiet bhall face painting ghat tfal, esebizzjoni ta' presepji, ikel tal-Milied u diversi oggetti ghall-bejh.

Il-Hadd, bejn id-9 ta filghodu u l-5 ta filghaxija ikun hemm ukoll numru ta karozzi antiki ghall-wiri.  Dan qieghed isir flimkien mal-Old Motors Club.

IMNIEDI L-MASCOT IL-ĠDID TAL-ISPTAR MONTE KARMELI

“Zafferina” impinġi minn Lucia Calleja ġie magħżul bħala l-mascot il-ġdid tal-Isptar Monte Karmeli. Din l-għażla ġiet imħabbra llum waqt konferenza tal-aħbarijiet li matulha ġie spjegat li l-kompetizzjoni kienet miftuħa għall-istudenti kollha tal-iskejjel differenti.

Is-Segretarju Parlamentari għall-Anzjani u Kura fil-Komunità, l-Onor. Mario Galea qal li dan kien pass ieħor li permezz tiegħu ħeġġiġna s-soċjetà titkellem dwar is-saħħa mentali. Fil-fatt, il-parteċipanti riedu li l-ewwel jifhmu l-ħidma li ssir fl-isptar biex ikunu jistgħu joħolqu mascot li jirrelata.

L-Onor. Galea rringrazzja lill-istudenti li wrew interess u li pparteċipaw. Hu qal li issa l-mascot se jsir f’forma diġitali sabiex ikun jista’ jintuża fil-publikazzjonijiet varji tal-isptar. Se jsir ukoll kostum tal-mascot sabiex ikun jista’ jiġi użat fl-iskejjel u attivitajiet oħra waqt kampanji edukattivi.

Qiegħed jiġi mħejji wkoll dokumentarju qasir li se jintuża bħala għodda sabiex titwassal informazzjoni dwar is-saħħa mentali u l-ħidma tal-Isptar Monte Karmeli.

L-istudenti kollha li pparteċipaw ġew ippreżentati b’ċertifikat ta’ tifkira mis-Sur David Galea, Chairman tal-Bord tad-Diretturi flimkien mas-Sur Edward Borg, CEO tal-Isptar Monte Karmeli.

Is-Sinjorina Calleja ġiet ippreżentata b’laptop minn rappreżentant tal-Bank Of Valletta.

Il-bord tal-għażla kien immexxi minn Trevor Zahra.

Investiment fit-Tahrig

Ġie organizzat ‘seminar’ għal Kapijiet tas-Servizzi fil-Komunita` biex tkun definita l-missjoni bħala għodda strateġika, tiġbor is-servizzi kollha flimkien u tiffoka fuq il-kunċett ta’ kultura organizzata u ta’ valuri.

Minbarra dan, is-Segretarjat għall-Anzjani flimkien mad-Dipartiment tal-Anzjani komplew jorganizzaw b’suċċess żewġ korsijiet oħra intenzjonati għal persuni li jridu jagħmlu kors li jwassalhom għaċ-Ċertifikat ta’ Care Assistants.

Il-Kumitat li ħadem fuq is-swali tad-Dimensja offra wkoll programm ta’ taħriġ għall-istaff li kien interresat jaħdem f’dawn l-istess swali. F’dan il-kors ġew introdotti sistemi ġodda ta’ kura li tista’ tingħata lill-pazjenti.

Beda jiġi organizzat kors dwar id-dimensja għall-care workers li jaħdmu fid-djar tal-anzjani tal-Gvern. Il-care workers qed jingħataw l-opportunita` li jsegwu dan il-kors sabiex jiżviluppaw aħjar il-ħiliet tagħhom. B’hekk ikunu jistgħu jtejbu l-prattiċi ta’ kif jieħdu ħsieb persuni li jbatu minn din il-kundizzjoni.

DIMENZJA: MALTA GĦANDHA SSERVI TA’ EŻEMPJU GĦALL-PAJJIŻI EWROPEJ

“Malta għandha sservi ta’ eżempju għall-kumplament tal-pajjiżi Ewropej fil-ħidma eċċezzjonali li qed tagħmel dwar id-dimenzja”.


Hekk stqarr, Jean Georges, Direttur Eżekuttiv ta’ Alzheimer Europe waqt l-konferenza “Improving the Quality of life of people with Dementia: A challenge for European Society”, li intemmet ftit tal-ħin ilu fi Brussell.

Matul il-konferenza, li kienet organizzata mill-Presidenza Ewropea Belġjana, ġew ippreżentati diversi rapporti dwar il-ħidma fil-qasam tad-dimenzja mill-pajjiżi Ewropej.

Waqt l-indirizz tiegħu, is-Segretarju Parlamentari għall-Anzjani u Kura fil-Komunita’ Mario Galea li kien wiehed mill-kelliema ewlenin fis-sessjoni plenarja ta’ tagħrif dwar x’inhi tagħmel Malta fil-qasam ta’ dimenzja. Fl-istess diskors l-Onor Galea enfasizza l-bżonn għal-aktar taħriġ fil-qasam kif ukoll li titqajjem aktar kuxjenza dwar il-kundizzjoni tad-dimenzja. Fost l-oħrajn semma s-swali l-ġodda għad-dimenzja li nbnew f’dawn l-aħħar sentejn fir-Residenza San Vinċenz de Paul.

Il-ħidma li qed issir f’pajjiżna ġiet rikonoxxuta u mfaħħra minn diversi rappreżentanti ta’ pajjiżi Ewropej waqt l-interventi differenti li saru. Is-Segretarju Parlamentari Galea, li kien fil-panel ta diskussjonijiet dwar il-messaġġ u ħidma prinċipali li għandhom jingħataw u jsiru, stqarr li huwa d-dover ta’ kull pajjiż li jservi ta’ vuċi għal dawk li m’għandhomx.

Ic-Chairman tal-Konferenza Michael Rogers qal li dak li sar f’Malta għall-pazjenti bid-dimenzja għandu jservi ta’ ispirazzjoni għall-pajjiżi oħra Ewropej.

TRASFERIMENT TAS-SEZZJONI TAL-KONTRIBUZZJONIJIET

L-Amministrazzjoni tad-Dipartiment tal-Anzjani tixtieq tavża li b’seħħ minn nhar l-Erbgħa 1 ta’ Diċembru 2010, is-Sezzjoni tal-Kontribuzzjonijiet fi ħdan id-Dipartiment mhix se tibqa’ topera mill-Uffiċċju attwali, jiġifieri dak ta’ 469, Triq il-Kbira San Ġużepp, Sta.Venera.


Minflok, dawn is-servizzi, issa se jkunu qed jingħataw mill-bini fejn hemm is-Sezzjoni tat-Telecare, is-sular ta’ mat-triq, Triq Fleur de Lys, Birkirkara.

In-numru l-ġdid tat-telefon tas-Sezzjoni tal-Kontribuzzjonijiet issa huwa: 2148 3603.

L-Amministrazzjoni tad-Dipartiment tal-Anzjani ġentilment titlob il-kooperazzjoni tal-pubbliku waqt li tiskuża ruħha għal kwalunkwe inkonvenjent.

Inawgurata statwa tal-Papa Gwanni Pawlu II fir-Residenza San Vincenz De Paul

Monsinjur Arċisqof Pawl Cremona illum inawgura statwa tal-Papa Ġwanni Pawlu II fid-daħla tal-Blokk Ġwanni Pawlu II fir-Residenza San Vinċenz De Paul. L-istatwa ġiet inawgurata wara quddiesa li saret fl-imsemmi blokk, li kienet animata minn band iffurmata minn impjegati tar-residenza u li għaliha attendew diversi residenti u familjari tagħhom.

L-Assistent Parlamentari fil-Ministeru għas-Saħħa, l-Anzjani u Kura fil-Komunita, l-Onor Peter Micallef, laqgħa lill-Monsinjur Arċisqof u spjegalu l-ħidma li ssir fil-blokk.

Il-Blokk Ġwanni Pawlu II, li ġie inawgurat f’Mejju ta din is-sena, huwa attrezzat apposta għall persuni li jbagħtu bid-dimensja u fiħ jilqa 144 resident.

L-istatwa hija xogħol is-Sur Michael Bonnici li jaħdem mal-anzjani fl-istess Blokk.



Nhar it-Tlieta li gej - Djalogu

Djalogu: Laqgha pubblika...ejja u ddiskuti mal-Ministru Joe Cassar, is-Segretarju Parlamentari Mario Galea u l-Assistent Parlamentari Pater Micallef - Djalogu Budget 2011: Sahha, Anzjani, Kura fil-Komunita- Nhar it-Tlieta li gej fis-7.00pm fil-Ballroom Hall tal-Phoenicia

TAQSIMA GĦAJNUNIET FID-DAR (Home Help)

L-għan ewlieni tas-servizz Home Help hu dak li jgħin persuni anzjani kif ukoll persuni b’diżabilita` biex jgħixu ħajja indipendenti kemm jista’ jkun, kif ukoll biex jinkoraġġihom jgħixu kwalita` ta’ ħajja aħjar. Sa tmiem din is-sena kien hemm 2,609 persuna li bbenifikaw minn dan is-servizz, b’total ta’ 3,476 li bbenifikaw.

INAWGURATA KAMRA TA’ RILASSAMENT FL-ISPTAR MONTE KARMELI

Is-Segretarju Parlamentari għall-Anzjani u Kura fil-Komunità, l-Onor. Mario Galea, inawgura kamra ta’ rilassament fis-sala tan-nisa numru wieħed fl-Isptar Monte Karmeli. Dan kien ir-riżultat ta’ riċerka li saret minn tim multidixxiplinarju bl-iskop li jkompli jiġi mtejjeb is-servizz offrut.

F’diskors tal-okkażjoni, l-Onor. Galea qal li din is-sala hija dik li tissejjaħ Nurse Development Unit, l-unika waħda tax-xorta tagħha fil-qasam tas-saħħa mentali. Fost oħrajn, dan jinvolvi li l-infermiera jevalwaw il-livell ta’ sodisfazzjon tal-pazjenti tagħhom, liema evalwazzjoni tagħti informazzjoni dwar il-mod li biħ il-pazjenti jħarsu lejn il-kura mogħtija u wkoll kif din taffettwa l-istil ta’ ħajja tagħhom.

Wara evalwazzjoni simili ġie stabbilit li jista’ jsir użu aħjar mill-ħin liberu li jkollhom il-pazjenti u b’dan f’moħħom inbeda x-xogħol biex issir il-kamra ta’ rilassament. L-Onor. Galea spjega li minkejja li l-kelma rilassament normalment tintuża mingħajr ħafna ħsieb, fil-fatt din iġġib magħha ħafna impenn. Fil-fatt din hija sengħa li trid tiġi mgħallma, u permezz tat-tagħmir preżenti fil-kamra inawgurata, il-pazjenti jkunu jistgħu inaqqsu t-tensjoni u jserrħu l-moħħ. Dan imbgħad jirrifletti fil-pożittiv fuq il-proċess ta “recovery” li fuqu hija bbażata il-kura psikjatrika.

Fis-sala msemmija jingħataw kura 139 pazjent (mhux kollha residenti) ta’ etajiet differenti li jibdew minn adolexxenti sa anzjani.

L-Onor. Galea rringrazzja lill-membri tal-istaff tad-dedikazzjoni u d-determinazzjoni tagħhom li jissarfu f’kura ta’ livell għoli lill-pazjenti. Hu rringrazzja wkoll lill Vodafone Malta Foundation li ħarġet il-fondi neċessarji għal dan il-proġett.

Is-Sinjura Ġemma Mifsud Bonnici, Chairperson tal-istess fondazzjoni sellmet lill-ħaddiema tas-sala kif ukoll lill-pazjenti. Hi qalet li kien ta’ pjaċir għall-fondazzjoni li tkun ta’ għajnuna b’dan il-mod.

Fi tmiem l-attività ġew preżentati ċertifikati lill-infermiera li jaħdmu fis-sala wara li f’dawn l-aħħar ġimgħat attendew taħriġ dwar it-terapija tal-komunikazzjoni.

Inizjattivi Varji

 Ġew imħarrġa 130 membru tal-istaff fuq il-kura tad-dimensja minn esperti li nġibu apposta mill-Universita` ta’ Stirling fl-Iskozja, liema Universita` tispeċjalizza fuq din il-kundizzjoni.

 Ġie ppublikat ktieb li tqassam lill-membri tal-istaff fuq il-kura tad-dimensja.

 Tħejja ktieb bi stejjer sempliċi għat-tfal minn Trevor Zahra, biex jgħin lit-tfal jifhmu aktar x’inhi l-kundizzjoni tad-dimensja. Dan il-ktieb tqassam lit-tfal kollha li jattendu sitt sena tal-iskola tal-Gvern, tal-Knisja u tal-Privat. L-għan hu li permezz tat-tfal nilħqu lill-ġenituri.

 Is-Segretarjat għamel kuntatt mal-Kulleġġ tal-Kappillani biex permezz tal-paroċċi nilħqu u nagħtu appoġġ lill-qraba li qed jieħdu ħsieb anzjani billi noffru lectures fuq id-dimensja, waqgħat, abbuzi, fire awarness, nutrizzjoni, servizzi tal-anzjani u saħħa mentali.

 Flimkien mal-Malta Dementia Society twaqqaf helpline bin-numru 22081826 biex jgħin u jagħti appoġġ lil min qed jieħu ħsieb il-pazjenti bid-dimensja.

Ftuh Night Shelter - diskors tas-Segretarju Parlamentari Mario Galea

Jgħidu “li l-ħolm tal-bieraħ huwa l-aġenda politika tal-lum”.


U hekk hu. Snin ilu kien hawn il-ħolma li xi darba f’dan il-Kunvent kbir tas-Sorijiet ta’ Ġesù Nazzarenu għandu jsir night shelter għall-anzjani. Anzjani li għadhom indipendenti, imma minħabba ċirkostanzi differenti spiċċaw li matul il-lejl jorqdu waħedhom. Eżatt wara li ngħatajt il-kariga mill-Onor Prim Ministru ta’ Segretarju Parlamentari, bdejt kuntatt mal-Kurja u mas-Sorijiet ta’ Ġesù Nazzarenu biex il-ħolma tan-night shelter insarrfuha f’realtà. Irrid nibda biex nirringrazzja kemm lil dawn is-sisters, kif ukoll lill-Kurja, b’mod speċjali lil Mons Victor Grech u Mons McKeon għall-koperazzjoni u l-ħeġġa li sibt mingħandhom. Wara numru ta’ laqgħat, beda x-xogħol. Kellu jsir lift ġdid għall-anzjani li jkun aċċessibbli għall-wheelchair.

Saru kitchenette, television u living room, żewġ bathrooms u store. Bnejna wkoll tmint ikmamar għal tmin anzjani. Kull kamra ġiet mgħammra b’sodda u l-għamara kollha meħtieġa biex kull anzjana tkun tista’ tħalli xi affarijiet personali, inkluż ħwejjeġ fil-kamra tagħha. Kull kamra ġiet mgħammra wkoll b’nurse call. Dan hu l-ewwel night shelter li qatt sar f’pajjiżna u nista’ ngħid li diġà huwa suċċess. Diġà għandna seba’ sodod mimlija bl-anzjani.

Kif tafu għandna diversi servizzi oħra mmirati għall-anzjani fil-komunità. Imma dejjem konna nkwetati fuq anzjani li jispiċċaw jagħmlu talba biex jidħlu f’residenza u dan għal raġuni waħda – dik li jiddejqu jorqdu waħedhom bil-lejl għax is-solitudni kerha wisq. Il-politika tal-Gvern preżenti hi li jimpurtana minn kulħadd imma l-aktar minn dawk l-aktar vulnerabbli bħalma huma l-anzjani.

Naħseb l-akbar wirt li ħallewlna missirijietna u li dejjem iddistingwewna bħala poplu, hu t-twemmin tagħna u l-valuri li baqgħu jintirtu minn ġenerazzjoni għall-oħra, b’valuri li fost oħrajn jinkludu illi aħna bħala poplu jimpurtana minn xulxin. Ta’ bilħaqq we are a caring society.

Dawn l-anzjani li qed jagħmlu użu minn dan in-night shelter qed nagħtuhom aktar indipendenza għax matul il-ġurnata għandhom is-sodisfazzjon li jagħmlu l-qadi tagħhom u jqattgħu l-ġurnata kif jixtiequ huma. Fuq kollox, iqattgħu l-ġurnata fl-ambjent li trabbew fih viċin il-familja u l-ġirien li jafu. Imbagħad meta jibda jidlam jiġu hawn u jgħaddu l-lejl b’moħħhom mistrieħ.

Għax dawn huma sorijiet li nafuhom u li jafuna. Huma parti integrali u importanti mill-komunità taż-Żejtun. Dawn is-sorijiet minn dejjem kellhom missjoni soċjali. Ta’ min jgħid li wara l-gwerra kellhom mijiet ta’ tfal żgħar, li ħafna minnhom sfaw orfni fil-gwerra u li spiċċaw irabbuhom dawn is-sorijiet. Interessanti l-fatt li wħud minn dawn it-tfal li spiċċaw bla familja kibru u baqgħu jgħixu hawn f’dan il-Kunvent u llum huma stess saru anzjani. Dan il-Kunvent kien u għadu darhom.

Barra minn din il-missjoni soċjali, dawn is-sorijiet huma magħrufa wkoll għall-presepju kbir mekkanizzat li kien inħadem mill-Isqof Galea u mill-Inġinier Salvu Pavia li llum hu resident f’San Vinċenz. Filwaqt li l-ħwejjeġ tal-pasturi kienu nħietu mill-istess sorijiet. Dan il-presepju hu ferm popolari u kull sena jżuruh għadd ta’ turisti. Aħna ż-Żwieten nafu wkoll li dawn is-sorijiet huma fost il-waħdiet li fadal li għadhom jaħdmu l-ostji li mbagħad jinbiegħu lill-knejjes.

Irrid l-ewwel u qabel kollox nawgura minn qalbi lill-anzjani kollha li qed jagħmlu użu minn dan in-night shelter. J’Alla hawn isibu l-mistrieħ u s-serħan tal-moħħ tul l-iljieli.

Lil dawn is-sorijiet minn qalbi rrid nerġa’ nirringrazzjahom għall-missjoni soċjali li dejjem kellhom. Għall-valuri li dejjem xerrdu fir-raħal tagħna u għal kemm nies li kienu għaddejin minn żmien diffiċli hawn ġew ġo dan il-Kunvent sabu s-sabar u t-talb li kellhom bżonn.

Irrid nagħlaq billi lil dawn is-sisters niddedikalhom kwotazzjoni mill-isbaħ ta’ Madre Teresa li nemmen li tgħodd ħafna u ħafna għalihom. Madre Teresa kienet qalet hekk “Intom lapes f’idejn Alla li permezz tax-xogħol tagħkom qiegħed jikteb ittra ta’ mħabba lid-dinja”.

Minn qalbi grazzi ħafna.

Ftuh Night Shelter - id-Diskors tal-Prim Ministru Lawrence Gonzi

Il-ftuħ tan-night shelter taż-Żejtun għandu sinifikat qawwi għall-mod kif inħarsu lejn l-anzjani. Wara l-ftuħ ta’ dan in-night shelter hemm messaġġ ċar dwar il-kontribut li nemmnu li l-anzjani jistgħu jibqgħu jagħtu b’mod attiv lis-soċjetà tagħna.


Il-politika tal-Gvern dwar l-anzjani hija ċara: anzjani attivi huma ċentrali għal soċjetà b’saħħitha.

Għalhekk, nemmnu li l-anzjani għandhom jingħataw l-appoġġ kollu meħtieġ biex jgħixu ħajja indipendenti u ta’ kwalità fil-komunità tagħna. Pajjiżna għandu bżonn l-għerf, l-esperjenza u l-valuri tal-anzjani tagħna. Nemmnu li l-anzjani jistgħu jagħtu l-kontribut tagħhom biex l-ekonomija u s-soċjetà tagħna jkomplu jimxu ‘l quddiem.

B’din il-konvinzjoni, qed naħdmu biex noħolqu ambjent li fih persuna anzjana tkun tista’ tkompli tagħti l-kontribut tagħha lil pajjiżna. Dan mingħajr ma jittiefsu bl-ebda mod il-benefiċċji li ħaqqha tieħu wara s-snin twal ta’ servizz li tat lil pajjiżna.

Il-bidla radikali li l-Gvern qed iwettaq fis-settur tal-anzjani huwa ffukat kemm fuq is-servizzi li joffri l-Gvern, kif ukoll fil-mod ta’ kif inħarsu lejn il-valur intrinsiku tal-bniedem.

Spiċċa ż-żmien li l-edukazzjoni u t-taħriġ jitqiesu bħala oqsma limitati għaż-żgħożija. Il-bniedem qatt ma jieqaf jitgħallem. L-edukazzjoni u t-taħriġ għandhom funzjoni qawwija tul il-ħajja kollha tal-bniedem, kemm jekk huwa marbut max-xogħol u l-involviment komunitarju, u anke jekk huwa mmirat lejn l-iżvilupp sħiħ tal-persuna.

Sinjuri, nixtieq naqsam żewġ esperjenzi magħkom.

Aktar kmieni din is-sena, kelli l-opportunità nżur il-korsijiet ta’ filgħaxija organizzati għall-adulti mid-Direttorat għat-Tagħlim Tul il-Ħajja. Iltqajt ma’ anzjana li ta’ 70 sena ddeċidiet li tibda titgħallem tuża l-kompjuter. Qaltli li tixtieq titgħallem tuża t-teknoloġija biex tifhem dak li jkunu qed jgħidulha n-neputijiet tagħha meta jżuruha.

Anzjan ieħor qalli li meta kien wasal biex jirtira, ħassu li tilef il-valur tiegħu bħala persuna. Iddeċieda jipprova l-Malti biex ikollu ċertifikat edukattiv għax ma kellux dik l-opportunità meta kien żagħżugħ. Kiseb dak iċ-ċertifikat, u din is-sena reġa’ applika għal kors ieħor, din id-darba fl-Ingliż.

Dawn l-istejjer huma xhieda tal-bidla li qed inġibu f’pajjiżna li trid timxi id f’id mal-inizjattivi u servizzi ġodda li qed noffru lill-anzjani.

Din is-sena, minn 14,000 persuna, 1,057 anzjan u anzjana qed jipparteċipaw f’korsijiet offruti mid-Direttorat tat-Tagħlim Tul il-Ħajja. 95 minn dawn l-anzjani qed jistudjaw suġġetti relatati mal-IT bħal dik in-nanna li trid tikkomunika aħjar man-neputijiet tagħha.

Fi ftit jiem oħra, 19-il persuna ta’ aktar minn 60 sena se jiggradwaw mill-Università ta’ Malta, u bħalissa 58 anzjan u anzjana qegħdin jistudjaw fl-Università, l-aktar fl-oqsma tat-Teoloġija u tal-Arti. Pajjiżna qed jinbidel. Qed ibiddluh ukoll l-anzjani b’dak li jagħmlu.

L-esperjenza tal-anzjani hi importanti wkoll għall-iżvilupp ekonomiku ta’ pajjiżna. Illum l-anzjani jistgħu jaħdmu u jieħdu paga sħiħa wara l-età tal-irtirar u jieħdu paga u pensjoni sħiħa fl-istess ħin.

Il-bżonn li nħeġġu lill-anzjani biex jibqgħu attivi fid-dinja tax-xogħol hija aktar importanti meta nħarsu lejn l-istatistika u dak li mistenni jiġri fis-snin li ġejjin. Fl-2015, pajjiżna mistenni jkollu popolazzjoni ta’ ftit inqas minn 105,000 anzjan li għandhom aktar minn 60 sena. Dan għandu jiżdied għal aktar minn 150,000 sal-2050. Il-popolazzjoni Maltija qegħda tixjieħ; għalhekk irridu nħejju l-istrutturi kollha meħtieġa minn issa biex nilqgħu għal dan it-tibdil.

In-night shelter taż-Żejtun hija ħolqa importanti fil-katina ta’ inizjattivi li qed nieħdu biex aktar anzjani jibqgħu attivi. Permezz tan-night shelter, l-anzjani jistgħu jibqgħu jgħixu ħajja indipendenti tul il-ġurnata, u jgħixu fil-kumpanija ta’ oħrajn matul il-lejl.

Sal-lum, anzjani li ma setgħux jgħixu waħedhom matul il-lejl, ma kellhomx għażla ħlief li jidħlu f’dar tal-anzjani. Il-proġett pilota li nedejna flimkien mas-Sorijiet tal-Kunvent ta’ Ġesù Nazzarenu juri li l-anzjani jistgħu jibqgħu jgħixu fil-komunità tagħna jekk jingħataw il-ftit għajnuna li jinħtieġu filgħaxija. Hu pjanat li tul is-sena d-dieħla niftħu night shelter ieħor fil-Mellieħa.

Il-ħsieb ewlieni tan-night shelter huwa l-istess bħal tad-day centres u s-servizzi kollha li l-Gvern jagħti lill-anzjani: is-solidarjetà u li nibnu soċjetà b’saħħitha. Fin-night shelters l-anzjani jsibu s-serħan il-moħħ li jeħtieġu mill-kumpanija ta’ oħrajn. Fid-day centres l-anzjani jiltaqgħu ma’ ħaddieħor u b’hekk jibqgħu attivi u motivati.

Din is-sena ftaħna day centre fil-Mellieħa b’kollaborazzjoni mal-Kunsill Lokali biex illum għandna 17-il day centre għall-anzjani madwar Malta kollha. 1,400 anzjan jipprattikaw il-ħiliet u l-passatempi tagħhom fid-day centres. Iċ-ċentri joffru wkoll servizzi ta’ fiżjoterapija, podoloġija, occupational therapy u programmi ta’ mixi.

Dan huwa eżempju ċar tal-mod kif permezz tas-solidarjetà l-anzjani fostna jibqgħu b’saħħithom kemm fiżikament kif ukoll fuq livell soċjali u emottiv.

Il-Gvern qed isaħħaħ is-servizzi għall-anzjani, fosthom il-Meals on Wheels, it-Telecare, il-HomeHelp, il-Handyman u l-Commcare. Dawn is-servizzi kollha qed iwasslu lil aktar anzjani biex jibqgħu jgħixu ħajja indipendenti fis-soċjetà tagħna.

Il-valur ta’ dawn is-servizzi mhuwiex limitat għall-persuni li jgawdu minnhom biss. Kull anzjan li jibqa’ attiv jista’ jibqa’ jagħti kontribuzzjoni lill-komunità tiegħu u jkun viċin il-familja tiegħu.

Huwa għalhekk ta’ sodisfazzjon li aktar anzjani qed jagħmlu użu minn dawn is-servizzi.

Sinjuri,

Bil-ftuħ tan-night shelter fiż-Żejtun, qed nuru l-impenn tal-Gvern biex l-anzjani jibqgħu fiċ-ċentru tas-soċjetà tagħna. Flok bnejna binja u offrejniha lill-anzjani filgħaxija, ingħaqadna mas-Sorijiet tal-Kunvent ta’ Ġesù Nazzarenu, li huma parti integrali mill-komunità taż-Żejtun. Ta’ dan nirringrazzjahom. Fil-Mellieħa se nżewġu l-aspett komunitarju billi ninvolvu lill-Kunsill Lokali.

Irrid fl-aħħarnett nirringrazzja u nsellem lill-anzjani kollha għal dak kollu li tawna u dak li qed jagħtu lil pajjiżna. Il-poplu tagħna grat lejkom.

Jinfetah l-ewwel centru ta' matul il-lejl ghall-anzjani f'pajjizna

Informazzjoni dwar l-Ewwel Ċentru ta’ Matul il-Lejl għall-Anzjani f’pajjiżna


Il-Prim Ministru, l-Onor Lawrence Gonzi, dalgħodu fetaħ uffiċjalment l-ewwel ċentru ta’ matul il-lejl għall-anzjani f’pajjiżna. Waqt il-programm tal-ftuħ Il-Prim Ministru u s-Segretarju Parlamentari għall-Anzjani u Kura fil-Komunita spjegaw il-ħsieb wara dan iċ-ċentru u ltaqgħu wkoll mal-ewwel anzjani li qegħdin jużaw dan is-servizz ġdid.

Dan iċ-ċentru jinsab fil-kunvent tas-sorijiet ta’ Ġesu Nazzarenu fiż-Żejtun, fejn sala kbira ġiet mibdula f’ċentru ta matul il-lejl (night shelter ) għall-Anzjani. F’dan iċ-ċentru l-anzjani se jkunu jistgħu jgħaddu l-lejl b’rashom mistrieħa.

Punti dwar iċ-ċentru:

- Dan huwa proġett pilota li permezz tiegħu l-anzjani se jkunu jistgħu jibqgħu jgħixu fil-komunita’ tagħhom mingħajr il-bżonn li jmorru joqogħdu ġo dar tal-anzjani. Huma bosta dawk l-anzjani li jagħżlu li jmorru f’home minħabba li ma jridux iqattgħu il-lejl waħidhom u allura ċ-ċentru jaf ikun soluzzjoni ideali

- Matul il-lejl ikun hemm care worker stand by

- F’kull kamra hemm buzzer biex tissejjaħ l-għajnuna tal- care worker f’każ ta’ bżonn

- Dan il-proġett qiegħed isir b’kollaborazzjoni mal-Kurja

- Bħalissa hemm 7 anzjani li ilhom jorqdu f’dan iċ-ċentru sa minn Awwissu


Iċ-ċentru jikkonsisti minn:

- 8 soddod
- Kċina
- Sitting u living area
- Kamra tal-banju
- Toilet
- Store / box room
- Lift (naturalment aċċessibbli għall-wheelchair)

Dan kien proġett piolta li ntlaqa’ tajjeb, tant li diġa’ bdew tħejjijiet għat-tieni ċentru simili li ser isir fil-Mellieħa.

Recording tad-diskors tas-Segretarju Parlamentari Mario Galea

Budget 2011: Diskors Segretarju Parlamentari Mario Galea

Il-punti ewlenin tad-diskors tas-Segretarju Parlamentari ghall-anzjani u kura fil-komunita se jkunu mxandra fil-hin reali fuq www.twitter.com/segretarjat u fil-grupp tal-facebook tas-segretarjat.

Id-diskors se jsir dalghodu fil-11.30am.

Budget 2011: Punti li ħarġu mid-diskors tal-Prim Ministru

• 25 ewro allowance fil-ġimgħa lill-ħaddiema fuq minimum wage li jagħmlu kors ta’ tahriġ


• Ingħataw inċentivi biex aktar nisa jidħlu fid-dinja tax-xogħol

• 144,000 jaħdmu bi qligħ

• Żieda fin-nisa jaħdmu – 7,000 aktar

• Xogħol produttiv mal-privat jiżdied b’14,000

• Żieda ta’ 6% fl-impjiegi tan-nisa

• It-taxxa fuq il-pagi f’Malta hi l-inqas fl-Ewropa

• 112,000 ma jħallsux ċenteżmu taxxa

• Għat-tlielet sena tnaqqset l-income tax

• Tħabbru nċentivi lill-pensjonanti li jaħdmu

• Inċentivi lin-negozji z-zgħar u self employed

• Tħabbru nċentivi għall-bdiewa u r-raħħala

• Qed tinfetaħ skola ġdida kull sena

• Qed jinfetħu child care centres madwar il-pajjiż

• Qed isir investiment qawwi fil-boroz ta’ studju

• Investiment fl-MCAST

• Servizzi speċjalizzati għall-anzjani

• Investiment kbir fil-Mater Dei

• Żieda kbira fl-operazzjonijiet fil-Mater Dei

• Mediċina kontra l-kancer u b’xejn

• Breast screening li salva 42 mara mill-kanċer

• Qed jinbena sptar ġdid kontra l-kanċer

• Pjazza San Ġorg – minn parkeġġ għal spazju miftuħ għall-familji

• Dinjita lill-Belt Kapitali ta’ pajjiżna – proġetti kontinwi ta’ tisbiħ

xoghol li jkun ghaddej

- Is-servizz ‘Podogeriatric’ kien offrut lir-Residenti ta’ San Vinċenz de Paul, lir-Residenti ta’ Djar tal-Anzjani tal-Gvern, Anzjani li jgħixu fil-komunita` u lir-residenti ta’ l-Isptar ta Rijabilitazzjoni Karen Grech. Saru wkoll taħdidiet edukattivi fejn kien mitlub.


- Ingħata l-Vaċċin tal-influwenza staġjonali u għall-ewwel darba ngħata l-vaċċin kontra l-Hepatitis B tul is-sena 2009 lir-residenti tad-djar tal-Anzjani tal-Gvern, lill-anzjani li jgħixu fil-komunita` u lill-istaff kollu tagħhom.

- Matul is-sena li għaddiet kien hemm żieda sostanzjali fl-għoti tal-vaċċin B li ngħatat lill-istaff li jaħdem fid-Djar tal-Anzjani. Dan minħabba lit-Taqsima tal-Infection Control kompliet bil-kampanja tagħha biex tagħti l-vaċċin possibbilment lill-istaff kollu f’dawn id-Djar.

PREŻENTATI LIĊENZI LILL-INFERMIERA

Il-Ministru għas-Saħħa, Anzjani u Kura fil-Komunità, l-Onor Joe Cassar, flimkien mas-Segretarju Parlamentari l-Onor Mario Galea ppreżentaw il-liċenza lill-140 infermier waqt ċerimonja fl-istess Ministeru l-bieraħ filgħaxija.


Din il-liċenza hija sinjal ta’ rikonoxximent u apprezzament min-naħa tal-Gvern għall-ħidma u l-professjonalità tal-infermiera.

Waqt messaġġ qasir tal-okkażjoni, l-Onor Galea qal li, bħala infermier hu stess, jifhem li l-infermier hu l-qalb tas-servizzi tas-saħħa. Filwaqt li stieden lil kull infermier biex ikun kburi li jħaddan professjoni tant importanti għas-saħħa tal-pazjenti, sostna wkoll l-importanza li l-professjonisti varji fil-qasam tas-saħħa jżommu ruħhom dejjem aġġornati dwar l-aħħar prattiċi sabiex ikunu jistgħu joffru l-aħjar servizz possibbli.

Il-Ministru Cassar irringrazzja lill-infermiera tal-ħidma li jwettqu mal-pazjenti u qal li ċ-ċertifikat li tqassam huwa konferma tar-rispett li l-Gvern għandu lejn il-ħidma tal-infermiera. Hu stieden lil dawk preżenti biex ikunu professjonisti eżemplari filwaqt li bil-ħidma tagħhom ikunu ta’ eżempju għal infermiera ġodda. Il-Ministru Cassar ħeġġeġ lill-infermiera biex huma stess jitkellmu dwar il-professjoni tagħhom u jaqsmu l-esperjenzi pożittivi mal-famlijari u ħbieb sabiex min ikun imħajjar jagħżel din il-professjoni jkun jista’ jsegwi l-eżempju tagħhom.

Id-Dipartiment tas-Saħħa għandu mal-5,000 professjonist mediku jaħdmu fi ħdanu. Dawn jinkludu mal-2,300 infermiera u qwiebel, 760 tobba u dentisti u 2,050 allied health care professionals (bħal Fiżjoterapisti, Speech Language Pathologists, etc) nursing aides u health assistants.

Din iċ-ċerimonja kienet waħda minn numru ta’ ċerimonji li qed isiru mal-professjonisti kollha li jaħdmu fis-settur tas-Saħħa Pubblika

Diskors tal-Budget

Id-diskors tal-Budget dwar ir-responsabilitajiet tas-Segretarjat Parlamentari Ghall-Anzjani u Kura fil-Komunita` ser isir is-Sibt li gej fil-11.30am.

Dawk kollha interessati jistghu jattendu fil-parlament stess jew isegwu d-diskors fuq 106.6 fm.

AKTAR MINN 5,000 PERSUNA JITOLBU INFORMAZZJONI WAQT KAMPANJA TA’ GĦARFIEN MNEDIJA MILL-ISPTAR MONTE KARMELI

Ftit aktar minn 5,000 persuna talbu informazzjoni waqt kampanja ta’ għarfien dwar is-saħħa mentali organizzata mill-isptar Monte Karmeli. Il-kampanja, li ġiet organizzata fl-okkażjoni tal-Jum Internazzjonali ddedikat lis-saħħa mentali, involviet numru ta’ professjonisti tal-isptar li ltaqgħu mal-pubbliku f’diversi stands f’postijiet differenti.


Dan sar fi sforz biex il-pubbliku jkun mgħarraf aktar dwar il-problemi ta’ saħħa mentali, imma wkoll biex titwassal informazzjoni dwar il-postijiet li minnhom wieħed jista’ jirċievi l-kura relatata.

Is-Segretarju Parlamentari għall-Anzjani u Kura fil-Komunità, l-Onor. Mario Galea, li huwa responsabbli minn dan is-settur, irringrazzja lill-professjonisti kollha li taw sehemhom f’din il-kampanja, filwaqt li jinnota b’sodisfazzjon l-interess li wera l-pubbliku.

L-Onor. Galea qal li dan kollu jikkumplimenta l-istrateġija tal-Gvern li twassal is-servizzi tas-saħħa mentali fil-komunità. Matul din l-aħħar sena komplew jiżdiedu dawn is-servizzi li issa qed jingħataw fi kważi 30 lokalità differenti.

IS-SOĊJETÀ MUŻIKALI SAN ĠUŻEPP ĦAMRUN IŻŻUR L-ANZJANI FIR-RESIDENZA SAN VINĊENZ DE PAUL

Is-Soċjetà Mużikali San Ġużepp Ħamrun ilbieraħ taw sorpriża lill-anzjani residenti fir-Residenza San Vinċenz De Paul f’inizjattiva intiża biex tferraħ lir-residenti Ħamruniżi. Din l-attività kienet parti mill-programm ta’ ġimgħa fl-okkażżjoni tal-25 sena anniversarju mit-twaqqif tal-Kummissjoni Żgħażagħ.

Is-Segretarju Parlamentari għall-Anzjani u l-Kura fil-Komunità, l-Onor Mario Galea, li akkumpanja l-kumitat ċentrali tas-Soċjetà, qal li din l-attività kienet mod li bih ir-residenti setgħu jħossuhom apprezzati mill-komunità li kienu jgħixu fiha qabel ma daħlu fir-residenza. Hu qal li attivitajiet simili għandhom iservu ta eżempju prattiku dwar kif nistgħu nagħtu ġieħ lill-anzjani li, għalkemm ma għadhomx jgħixu fil-komunità, taw sehem importanti fi ħdana.

Il-banda daħlet iddoqq fis-swali differenti, u għalkemm ma kienx possibbli li l-banda ddoqq f’kull sala, għadd ta’ anzjani ngħaqdu mal-banda waqt il-marċi popolari li daqqet. Kien hemm anzjani, ex bandisti, li saħansitra akkumpanjaw il-banda matul iż-żjara.

Mument partikolari kien meta ingħatat tifkira lis-Sur Joseph Mifsud Matrenza li huwa President Onorarju tal-istess Soċjetà. Is-Sur Matrenza nnifsu rringazzja lis-Soċjetà Mużikali San Ġużepp Ħamrun, kif ukoll lit-tmexxija tar-Residenza San Vinċenz De Paul u appella lill-pubbliku in ġenerali biex jiddedikaw aktar ħin lill-anzjani, kemm dawk li jgħixu fil-komunità kif ukoll dawk li qed jgħixu fir-residenzi varji.

Budget 2011 - is-Sahha

Tajjeb li tkun taf b'dawn il-figuri...

Art by clients of Mount Carmel Hospital

The Hon. Mario Galea, Parliamentary Secretary for the elderly and Community Care, visited an exhibition of crafts made by clients of the Mount Carmel Hospital Occupation Therapy Department. This morning over 20 clients also participated in a theatrical event for which they had been rehearsing in these last months. This forms part of the therapeutic programme being offered at the hospital.

In order to protect the identity of all clients, the media were not invited to cover the event.

Care Workers given certificates after training programme

The Hon. Mario Galea, Parliamentary Secretary for the Elderly and Community Care, distributes certificated to CareMalta employees who have successfully completed the City and Guilds Specialist Diploma in Health Care and Diplomas to all Elderly Home Secretaries.

Hon Galea pointed out that it is vital for all care workers to be kept updated on latest techniques in care, as these change from time to time. He urged all carers to follow all courses available, to be able to deliver the best care possible.

Speech by Parliamentary Secretary for the Elderly and Community Care Hon Mario Galea at the closing Ceremony of the International Programme in Policy Formulation, Planning, Implementation and Monitoring of the Madrid International Plan of Action on Ageing

Professor Troisi, Dr. Alexandre Sidorenko, Ladies and Gentlemen,


It gives me great pleasure to address you at the end of this International Programme in Policy Formulation Planning, Implementation and Monitoring of the Madrid International Plan of Action on Ageing, which has been, undoubtedly, a highly successful one.

It is always a difficult task making a closing speech at the end of a programme that has been going on for a considerable number of days. What remains to be said about a subject that has been delved into so deeply in the past days? Delved into, allow me to add, by a number of distinguished scholars, experts in their own field.

The first quarter of the twenty-first century has often been called the Age of Ageing. We are experiencing a revolution in longevity in which the average life expectancy at birth since 1950 has increased by 20 years and is projected to increase by another 10 years by mid-century. Life expectancy in Malta is that of 77 for males and 82.1 for females. However we cannot ignore the inequalities which still riddle our world today. Let us not forget that life expectancy in undeveloped countries is as low as 50 years in Botswana, 48 years in Malawi, 42 years in Sierra Leone and 38 years in Zambia. Indeed such inequalities should shame us all. Obviously the majority of the world’s older persons are to be found in developing countries. Here, the increase will be greatest and most rapid. In fact, the older population is expected to increase four-fold by 2050.

Malta has not been spared from this phenomenon. The persons over the age of 60 in Year 2050 will be around 140,000. This means that the elderly population in Malta will increase by approximately 35%. This in itself will trigger huge challenges, since elderly people need costly health services. Large numbers of elderly persons need costly operations and more and more long term beds. In Malta this year there was an increase in beds due to the opening of St Jean Antide (64 beds), Block John Paul II (144 beds) which include wards specifically designed for patients with Dementia and a number of PPP beds. As you know this does not come free as institutional care comes at a very high cost not only financially but also in terms of human resources. So our goal is to try to prolong as much as possible the stay of the elderly in the community. Ideally there is no better place for the elderly person then his home, near his family in his own village. The various community services we offer include Telecare, Meals on Wheels, Home Help Service, Handy Man Service, Incontinence Services and Nursing services offered at home all provided by the Department of the Elderly and Community Care. It is the Government’s aim to support these elderly alongside their family. This is also the aim of the Night Shelter that will be inaugurated soon in the Southern part of Malta.

In Malta like the rest of Europe there is a shortage of nurses. So the real challenge is of course to find the staff for long term beds. This is why at the beginning of my tenure a Care Assistant Course for the elderly was tailored made to train carers internally. To date 5 courses have been offered, training approx 240 carers. They are not nurses. Nurses need 3 years of University training. But these carers with a course of 4 months which can help nurses in non-nursing chores and work under the supervision of qualified nurses.

This dramatic and unprecedented increase in the number and proportion of older persons in the World is leading to various political, economic and social consequences and challenges. In developing countries this demographic phenomenon will pose a particular challenge.

Over the past days you have been discussing policy implications, particularly in relation to the Madrid International Plan of Action on Ageing. It is, of course essential to build knowledge on the changes that have already taken place, to consider what the present reality is and to look at trends, in order to lay the foundations for policies that will shape the future.

Today you become ambassadors of your country and of International Insitute on Ageing on issues related to old age. You are the seeds of progress in this field and please ensure that upon leaving the island of Malta you will start planning activities in your own country and in the region if possible. Ageing is an international issue. Therefore, it must be addressed in an international perspective. However, while you think globally you need to act locally.

Many countries in the developing world are gradually moving into an era in which fertility and mortality rates are getting lower and lower and consequently populations are ageing rapidly. Thus, at this time, it is only through insight and planning that we can make use of the material and human resources available on a territory to alleviate poverty and create an environment conductive to development in particular in the sectors of health, education, social security and employment.

Allow me to stress that the increasing number of elderly persons should not only be perceived negatively but as a potential resource which needs to be tapped. They have the expertise, the knowledge, the experience which makes them an excellent source of reference in different fields. I cannot but mention the invaluable contribution the elderly persons give by means of voluntarily work. I can frankly say that the backbone of every voluntarily organisation in Malta is composed of elderly persons who give their time, energy and expertise free of charge and for the good of their communities. In Malta we have recently offered the option to retired persons to continue working without losing their pension. One of the positive aspect of the increasing number of Elderly is that they are generating a need for more nurses and carers thus increasing job opportunities. Apart from this elderly populations are also consumers so they are contributing for the economy of their countries.

I augur that you will go back to your own countries enriched with newly acquired knowledge and experiences exchanged with your colleagues and lecturers. It would be of mutual benefit if you would maintain your contacts with INIA – Malta and sensitize those responsible for ageing policies in your countries on possible further research and training activities available here.

May I finally congratulate you for attending this International programme and I hope that what has been achieved during these two last weeks will serve as a launching pad for further activities in which INIA and yourselves will become active partners.

I also hope that you are taking back home best memories of Malta, an island state with a rich history, unique nature and valuable heritage. I wish you all the best in your endeavours and hope you will have a safe journey home.

Last yet not least I hope that today’s closing speech is an Arriverderci not a Farewell because we will be more than honoured to welcome you again in Malta.

Thank you.

85,000 Vaċċin kontra l-influwenza staġjonali jibdew jingħataw bla-ħlas lill-dawk eliġibbli

Hekk kif se jibda l-perjodu li matulu l-influwenza staġjonali hija l-aktar komuni, il-Gvern qiegħed iħeġġeġ lill-pubbliku biex jilqa’ għal din l-influwenza permezz tal-vaċċin relatat. Għal darb’oħra dan il-vaċċin qiegħed jiġi offrut bla ħlas lil faxxa wiesgha tas-soċjeta’.

Is-Segretarju Parlamentari għall-Anzjani u Kura fil-Komunita’, l-Onor. Mario Galea qal li għalkemm l-influwenza tolqot lill-popolazzjoni kollha, l-aktar vulnerabbli huma l-anzjani u dawk li jbatu minn problemi mediċi.

L-influwenza tista’ twassal għall-kumplikazzjonijiet serji, bħall-pneumonia u huwa stmat li bejn 20,000 u 40,000 persuna jmutu bl-influwenza fl-Unjoni Ewropea.

Il-vaċċin tal-influwenza se jibda jitqassam bla ħlas miċ-Ċentri tas-Saħħa minn-nhar it-Tnejn li ġej, 25 ta’ Ottubru 2010 f’dawn il-ħinijiet:


• Mit-Tnejn sal-Ġimgħa mill-10.30a.m. sas-1.00p.m.

• Is-Sibt mill-10.00a.m. sa nofsinhar


Fl-ewwel gimgħatejn, il-vaċċin se jingħata wkoll mit-Tnejn sas-Sibt bejn l-4.00pm u s-7.00pm miċ-Ċentri tas-Saħħa tal-Mosta, Furjana u Raħal Ġdid.


Il-Gvern se jqassam 85,000 vaċċin bla-ħlas lill-dawk li jaqgħu f’dawn il-kategoriji:

• Professjonisti tas-saħħa u ħaddiema li għandhom kuntatt mal-pazjenti.

• Ħaddiema ta’ istituzzjonijiet u djar tal-anzjani

• Residenti fid-djar tal-anzjani

• Studenti li jattendu skejjel għall-persuni b’diżabilita’

• Persuni ’l fuq minn 55 sena

• Tfal bejn 6 xhur u 4 snin

• Persuni li jbagħtu minn mard kroniku tal-pulmun, qalb, fwied, kliewi u dijabete

• dawk li ghandhom is-sistema ta’ difiża tagħhom dagħjfa (jinkludu nies li għandhom l-HIV u l-AIDS)

• Il-persuni li jkunu rikoverati l-isptar fil-perjodu tal-vaċċinazzjoni (ikunu jistgħu jieħdu l-vaċċin mill-isptar)

• Persuni taħt il-55 sena jridu jġibu evidenza ta’ waħda minn dawn:


 Il-Karta ta’ Schedule IV

 ċertifikat mediku

Ħaddiema f’dawn is-setturi jistgħu jieħdu l-vaċċin bla ħlas:



• Korp tal-Pulizija

• Forzi Armati

• Protezzjoni Civili

• Ċentri ta’ Detenzjoni u open centres

• Servizzi Veterinarji

• Abattoir

• Dipartiment tat-Tindif

• Uffiċjali tad-Dwana

• Bdiewa li jrabbu t-tiġieġ

• Ħaddiema u priġunieri fil-Faċilita’ Korrettiva ta’ Kordin

54 Kunsill Lokali f’Malta u f’Għawdex se jamministraw il-vaċċin lir-residenti tal-lokal tagħhom. Dawk il-persuni li ma nkitbux mal-Kunsill Lokali, jistgħu jmorru ghall-vaċċin miċ-Ċentri tas-Saħħa fil-ħin indikat.

Nine residents at SVPR celebrate their 100 years +

The Hospital Management Committee at Saint Vincent De Paul Residence organised a special event for nine elderly residents who have reached the age of 100 years.

Carmela Gauci, Maria Sacco, Maria Caruana, and Polly Vella are 100 years old, Natalizia Vella is 101 years old, while Lucia Cacciattolo and Paula Stafrace are 102 years old and Joan Zammit is 103. The eldest is Maria Concetta Ascolese who is 105. The Parliamentary Secretariat for the Elderly and Community Care presented gifts to the elderly on this special occasion.

Informazzjoni dwar is-Sur John Debono – rebbieħ tal-Premju Anzjan Tas-Sena

Is-Sur John Debono ilu jagħmel xogħol volontarju mal-Aġenzija Appoġġ sa mis-sena 2003. Dan minbarra xogħol volontarju ieħor li hu jagħmel f’oqsma oħra wkoll. Fis-sena 2003, beda proġett ġewwa l-Aġenzija li ngħata l-isem ta’ Proġett Tereża. Hu kien il-persuna li ħadem biex waqqaf dan il-Proġett li jikkonsisti fi ġbir ta’ għamara u affarijiet oħra sabiex jingħataw lill-familji fil-bżonn.

Is-Sur Debono jiltaqa’ ma’ dawn in-nies ħafna drabi hu personalment għalkemm għandu l-għajnuna ta’ voluntier ieħor. Hu baqa’ l-persuna konsistenti sa minn meta beda l-proġett. Minbarra li jara l-bżonnijiet materjali tal-persuni referuti, is-Sur Debono jkun hemm ukoll sabiex jgħin u jisma’ lin-nies. Minkejja li mhuwiex professjonista, il-ħidma volontarja tiegħu f’dan il-qasam għenitu sabiex ikun jista’ jgħin lil dawn in-nies u jirreferihom għas-servizzi li huma jinħtieġu. Ikunu diversi d-drabi meta s-Sur Debono jgħarraf lill-ħaddiema soċjali b’nies li jkunu jeħtieġu l-għajnuna u li bl-intervent tiegħu jaċċettaw li jirċievu din l-għajnuna. Ħafna drabi dawn in-nies mhux ma jkunux iridu l-għajnuna iżda ma jkunux jafu fejn se jfittxuha u tabilħaqq li l-ħidma tas-Sur Debono hija ta’ mitqlu deheb sabiex is-servizzi soċjali provduti jaslu għand min verament huwa fil-bżonn.

Is-Sur Debono jqatta’ madwar 15-il siegħa ta’ xogħol volontarju fil-ġimgħa ġewwa l-Aġenzija Appoġġ proprju fi ħdan Proġett Tereża. Huwa punt ta’ riferiment kemm għal professjonisti li jaħdmu fl-aġenzija, kemm dawn li ġejjin minn aġenziji u entitajiet oħra u saħansitra minn nies fil-bżonn ukoll.

Is-Sur Debono jagħmel xogħolu bl-akbar dedikazzjoni. Minkejja li hu voluntier dejjem mexa mal-proċeduri u policies tal-aġenzija. Huwa għandu esperjenza kbira fil-management riżultat tax-xogħol tiegħu qabel irtira u jagħmel użu tajjeb ta’ dawn il-kapaċitajiet li hu akkwista matul is-snin ta’ ħidma tiegħu.

Huwa persuna li jġib serenita u paċi kull fejn ikun u dejjem jara kif jagħmel sabiex jakkwista għajnuna għan-nies fil-bżonn. Hu persuna umli ħafna u filwaqt li japprezza l-grazzi li jirċievi għal dan ix-xogħol dedikat u siewi tiegħu, hu dejjem jgħid li l-grazzi għalih hi meta jkun ta’ għajnuna għan-nies fil-bżonn u jara t-tbissima fuq wiċċhom. Is-sodisfazzjon għal John ikun evidenti fuq wiċċu meta jirnexxilu jgħin u jaqta’ x-xewqa ta’ xi familja li għall-ewwel darba jkunu se jqattgħu l-lejl fuq saqqu u dan grazzi għad-donazzjonijiet li nirċievu sabiex ngħinu lil dawn in-nies.

Meta jirċievi talba għal oġġetti li familja jew indivdwi jkollhom bżonn u ma jkunx jista’ jgħinhom għax ma jkollux x’jagħtihom, is-Sur Debono jara kif jagħmel, ifittex u jistaqsi sabiex ikun ta’ għajnuna għal dawn in-nies.

L-imħabba tiegħu lejn il-proxxmu u n-nies fil-bżonn hi evidenti u verament jagħmel dan ix-xogħol volontarju minn qalbu u b’dedikazzjoni.

Għall-Aġenzija Appoġġ meta wieħed isemmi proġett Tereża, mill-ewwel tirreferi u tiftakar f’John Debono. Hu kien il-persuna li identifika dan il-bżonn u li sal-ġurnata tal-lum għadu mitlub u bżonnjuż. F’ħafna sitwazzjonijiet l-għajnuna permezz ta’ Proġett Tereża huwa l-bidu sabiex nies fil-bżonn jirċievu l-għajnuniet li għandhom bżonn qabel ikun tard wisq.

Ħafna kappillani, professjonisti u entitajiet differenti kemm-il darba għamlu kuntatt mas-Sur Debono sabiex jitolbuh jgħin nies li jkunu fil-bżonn jew biex jikkontribwixxu oġġetti li jistgħu jkunu ta’ bżonn kbir għal ċerti individwi u familji fost dawn insemmu l-Community Chest Fund, is-Segretarjat Assistenza Soċjali (Istitut Kattoliku), YMCA/YWCA, Kummissjoni Djakoniji fi ħdan diversi parroċċi, u oħrajn.

Is-Sur Debono dejjem emmen fil-ħidma fil-komunita` u minbarra dan ix-xogħol volontarju tiegħu madwar in-nies fil-komunitajiet lokali tagħna, huwa wkoll membru tal-kummissjoni djakonija fi ħdan il-parroċċa tal-Iklin. Xogħolu li flimkien m’oħrajn jorganizzaw attivitajiet biex jgħinu lin-nies fil-bżonn. Minbarra dan, huwa wkoll membri fil-kumitat tal-fundraising fi ħdan l-istess lokalita`.

Minkejja dan ix-xogħol volontarju kollu, is-Sur Debono huwa wkoll persuna ddedikata għal familja u l-hena tiegħu meta jitkellem fuq martu, uliedu u l-għeżież neputijiet li għandu. Minkejja l-impenji volontarji tiegħu, dejjem isib ħin għall-familja.

Id-dedikazzjoni u l-impenn volonatrju tiegħu huma kwalitajiet li kull min jiltaqa’ jew jitkellem mas-Sur Debono jammira u j’Alla nies oħra bħalu jiddedikaw ftit mill-ħin tagħhom sabiex ikunu ta’ għajnuna għal nies aktar fil-bżonn

DISKORS MILL-ONOR MARIO GALEA, SEGRETARJU PARLAMENTARI GĦALL-ANZJANI U KURA FIL-KOMUNITÀ FL-OKKAŻJONI TAL-PREMJU ANZJAN TAS-SENA – IL-PALAZZ, VALLETTA – 15 TA’ OTTUBRU 2010

Eċċellenza President Dott George Abela

Onorevoli Viċi Prim Ministru
Monsinjur Arċisqof
President Emeritus u Sinjura Fenech Adami
Onorevoli Ministru Dott Joe Cassar u Sinjura Cassar
Onorevoli Membri Parlamentari
Sinjuri

Irrid nibda biex nirringrazzja lill-Eċċellenza Tiegħu l-President ta’ Malta talli ġentilment għat-tieni darba qed jerġa’ jpoġġi għad-dispożizzjoni tagħna dan il-Palazz Presidenzjali biex norganizzaw din is-serata tal-Premju Anzjan tas-Sena. Dan il-fatt fih innifsu, flimkien mal-fatt li għal din is-serata hawn l-ogħla mexxejja tal-pajjiż, huwa prova ċara tar-rispett li din il-ġenerazzjoni tal-anzjani tagħna għadha tgawdi.

Meta nitwieldu, ilkoll kemm aħna nitwieldu bi ktieb magħluq. Jekk forsi jkunu laħqu ddeċidew fuq ismek, jista’ jkun hemm ismek fuqu. Ovvjament fuq l-għażla ta’ ismek m’għandek ebda dritt għall-konsultazzjoni, avolja dan l-imbierek isem se jkollok iġġorru miegħek tul ħajtek kollha. Intant, kull jum li jgħaddi inti tibda titgħallem, tesperimenta, tiżviluppa, tinnota lil ta’ madwarek u bil-mod il-mod taħżen l-esperjenza. Bil-mod il-mod, jum wara l-ieħor tibda timla dan il-ktieb ta’ ħajtek. U proprju kien għalhekk li s-sena l-oħra għażilna s-simbolu tal-ktieb bħala trofew għall-Anzjan tas-Sena. Kull wieħed u waħda minna għandu ktieb differenti. B’esperjenzi u stejjer differenti. L-ebda wieħed mhu l-istess. Għax kif kien qal xi ħadd għaqli “Life is a journey yet to be discovered, not a guided tour”. Għalhekk is-sinifikat tal-ktieb bħala premju.

Tabilħaqq iż-żmien jgħaddi u l-ħajja tinbidel. Illum in-neputi mhux bilfors jaħsibha bħan-nanna u n-nannu, anzi aktarx li aktar le milli iva. Wisq probabbli lanqas in-nanna u n-nannu ma jħossuhom għal kollox komdi mal-istil ta’ ħajja tan-neputi jew tan-neputija.

Biss kelma llum u oħra għada, xi ħaġa tibqa’. Xi ħaġa teħel. U għalhekk l-anzjani tagħna jibqgħu l-akbar difensuri u għassiesa tal-valuri tagħna.

Din il-ġenerazzjoni ta’ anzjani li qed insellmu u nippremjaw illum, hija ġenerazzjoni li tat ħafna. Mhux lilna biss bħala Maltin u Għawdxin. Imma lil tant u tant pajjiżi oħra. Biżżejjed insemmu li din hi ġenerazzjoni li tatna tant u tant reliġjużi li llum qed jagħmlu ħidma sfieqa mhux biss f’Malta u Għawdex, imma f’diversi pajjiżi oħra bħala missjunarji mifruxa mal-erbat irjieħ tad-dinja kollha. Tabilħaqq għandna għalfejn inkunu kburin bl-anzjani tagħna. Għandna ħafna għalfejn ngħidulhom grazzi. Xi ħadd m’ilux qal ‘that we have a population which is ageing and dying’. Sa ċertu punt huwa vera. Dan minkejja li għandna waħda mill-aħjar life expectancies fid-dinja. Biss hu vera wkoll li din kienet u għadha ġenerazzjoni, illum anzjani, li għamlet id-differenza. U llum, sfortunatament vera li din qed tixjieħ u bdiet tmut. Nittama biss li aħna, l-hekk imsejħa ġenerazzjoni tal-lum, meta jasal iż-żmien li nterrqu lura minn fuq din l-art, ta’ warajna jkunu jistgħu jgħidu l-istess affarijiet sbieħ fuqna.

Għax ninsabu fi żmien ta’ sfidi kbar fejn hawn uħud li lesti jarmu l-valuri li writna mingħand missirijietna u jesperimentaw b’modi oħra li sal-lum dan il-poplu dejjem ċaħad. Forsi l-akbar wirt li ħallewlna missirijietna mhux daqstant il-Hypogeum jew il-Ġgantija. Dawk siti storiċi u uniċi u bħala Maltin u Għawdxin għandna nkunu kburin bihom u għandna dmir akbar li nħarsuhom.

Imma dak li għal eluf ta’ snin sawwar dan il-poplu, huma l-valuri nsara li ntirtu minn ġenerazzjoni għall-oħra. Valuri li l-istess bħas-swar li jdawwru l-ibliet tagħna they stood the test of time. U l-valuri li writna mingħand din il-ġenerazjoni ta’ anzjani tagħna u mingħand oħrajn li ġew qabilhom, l-istess bħas-swar tagħna baqgħu sodi u ma ċedewx għal tant attakki li saru fuqhom.

Valuri li fost oħrajn u forsi fost l-aktar importanti jinkludu t-tisħiħ u l-ħarsien tal-Familja Maltija. Ovvjament hawn qed nitkellem fuq twemmin. Fuq għażla ta’ valuri. Qajjimt dan is-suġġett żgur mhux biex b’xi mod nipprova ninponi l-valuri tiegħi. Xejn minn dan. Imma bħala poplu ma nistgħux indaħħlu rasna fir-ramel. L-attakk fuq il-valuri, fuq il-familja; liema attakk fl-opinjoni tiegħi għamel tant u tant ħsara f’soċjetajiet oħra, se jasal f’Malta wkoll.

U kull wieħed u waħda minna għad ikollna nagħmlu għażliet importanti ħafna. Jew inkomplu nagħżlu l-valuri li ħallewlna missirijietna u li dejjem kienu l-karatteristika ewlenija tagħna bħala poplu. Inkella nagħżlu stili ta’ ħajja oħra li qed jiġu ppreżentati lilna f’wrapping paper sabiħa u kollha tlellix, iżda meta tiftaħhom u tibda tużahom tinduna li minflok jibnu, jkissru. Flok jgħaqqdu, jifirdu. Flok jorbtu, jħollu.

Nerġa’ nsostni li dawn l-istili hekk imsejħa ġodda u tal-moda, ommijietna u missirijietna fl-imgħoddi ċaħduhom. Għax kellhom l-għaqal li jgħarfu t-tajjeb mill-ħażin. J’Alla aħna wkoll ikollna d-don li nagħmlu l-għażliet it-tajbin.

Biex lil uliedna nħallulhom pajjiż sod, kif writna mingħand dawn l-anzjani li llum qegħdin nippremjaw.

Konvint u fiduċjuż li kif dejjem għamel dan il-poplu fi żmien ta’ sfidi u għażliet importanti, jerġa’ jdur lejn il-kbir Alla u kif dejjem talbu jerġa’ jitolbu “Ħares Mulej lil din l-art ħelwa kif dejjem int ħarist”.

Grazzi ħafna.

JINGĦATA L-PREMJU ANZJAN TAS-SENA 2010

Is-Sur John Debono, voluntier fi ħdan l-Aġenzija Appoġġ, huwa r-rebbieħ tal-Premju Anzjan tas-Sena 2010. Hu ġie ppreżentat b’dan il-premju waqt serata li saret fis-Sala tal-Gran Kunsill, il-Palazz tal-President il-Belt Valletta.

Din kienet is-17-il edizzjoni tal-Premju u għalih kien hemm 25 nominazzjoni ta’ anzjani li jagħmlu xogħlijiet varji, prinċipalment fil-volontarjat f’pajjiżna.

Is-Sur Debono, li għandu 67 sena, ġie ppreżentat bi premju tal-ħġieġ fil-forma ta’ ktieb, li jissimbolizza l-esperjenza li l-anzjani iġorru magħhom. Il-premju, li nħadem apposta għal din l-edizzjoni, ġie maħdum mis-Sur Jean Paul Chetcuti.

Il-Bord tal-Għażla kien magħmul mill-Professur Mario Vassallo bħala Chairperson, u l-membri s-Sur Publius Abdilla, Brother Martin Borg, is-Sinjura Valerie Ferriggi, is-Sinjura Lilian Miceli Farrugia, is-Sinjura Josephine Mifsud u s-Sur Trevor Zahra. Is-Segretarja tal-Bord kienet is-Sinjorina Catherine Brincat.

Il-Premju Anzjan tas-Sena huwa organizzat mis-Segretarjat Parlamentari għall-Anzjani u Kura fil-Komunità.

Ahbarijiet mir-Residenza San Vincenz De Paul

Inbeda proċess sabiex tissaħħaħ l-identita` ta’ din ir-residenza. Dan jinkludi logo ġdid, motto u diversi inizjattivi fost il-ħaddiema, residenti u familjari tar-residenti. Se jiġu mwaqqfa żewġ kumitati oħra, jiġifieri dak għar-Residenti, kif ukoll dak għal qraba tal-istess residenti.

Dawn il-kumitati se jitwaqqfu sabiex il-leħen tar-residenti kif ukoll tal-qraba jiġi mogħti iktar importanza, u b’hekk ir-residenti u l-qraba tagħhom iħossuhom iktar parteċipi fid-deċiżjonijiet li jkunu jikkonċernaw lilhom.